TIRANË, 18 janar /ATSH/ Kryeministri Edi Rama ka inspektuar sot kopshtet e shkollat e rindërtuara në Bathore dhe Paskuqan pas shkatërrimit që la pas tërmeti i 26 nëntorit.
Rama është shprehur se, fëmijët e Bathores e Paskuqanit po kthehen në kopshtet e shkollat e rilindura pas fatkeqësisë së madhe të tërmetit.
Kryeministri ka shtuar se janë plot 14 shkolla e kopshte të reja, nga themelet, njësoj në çdo aspekt si shkollat më të mira në BE.
“Fëmijët e Bathores e Paskuqanit po kthehen në kopshtet e shkollat e rilindura pas fatkeqësisë së madhe të tërmetit. Plot 14 shkolla e kopshte të reja, nga themelet, njësoj në çdo aspekt si shkollat më të mira në BE, do të jenë hapur vetëm në bashkinë e Kamzës në përfundim të punës kolosale me Rindërtimin”, është shprehur Rama.
/r.e/
