DALLAS, 15 janar /ATSH-ANSA/ – Një libër komik i Batman nga 1940 u shit në ankand në SHBA për mbi 2,2 milion dollarë.
”Shitja vendos një rekord të ankandit botëror”, deklaroi agjencia e ankandeve ”Heritage” me qendër në Dallas.
”Blerësi donte të mbetel anonim”, theksoi zëdhënësi i kompanisë së ankandit, Robert Wilonsky.
Komiku Batman Nr. 1 tregon Batman dhe shokun e tij Robin duke fluturuar në një sfond të verdhë dhe horizontin e kuq të Gotham City.
”Personazhet e njohur Joker, Hugo Strange dhe Catwoman gjithashtu shfaqen në këtë libër, i cili është në gjendje gati të përsosur”, theksoi shtëpia e ankandit.
Një koleksionist bleu librin për 3 000 dollarë në Hjuston në 1979.
Çmimi origjinal në vitin 1940 ishte 10 cent.
Çmimi ishte rritur gjithashtu para ankandit me shumë oferta që mbërritën nga mesi i dhjetorit.
Rekordi i mëparshëm i librit komik të Batman u vendos në nëntor kur ”Heritage” vuri në ankand ”Detective Comics No. 27” i vitit 1939, me paraqitjen e parë të Batman, për 1,5 milion dollarë. /os/
