Dorëheqja e Cakajt/ Olta Xhaçka emërohet ministre e Jashtme, Niko Peleshi ministër i Mbrojtjes

TIRANË, 29 dhjetor /ATSH/ Kryeministri Edi Rama ka emëruar sot Olta Xhaçkën në detyrën e ministres për Europën dhe Punët e Jashtme, pas dorëheqjen së ministrit në detyrë Gent Cakaj.

Ndërsa në postin e ministrit të Mbrojtjes, Rama emëroi Niko Peleshin.

“Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme”, u shpreh Rama.

“Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e Mbrojtjes”, theksoi Rama. /j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.