NJU JORK, 30 shtator /ATSH-DPA/ – Kancelarja gjermane Angela Merkel premtoi sot fonde shtesë për iniciativën globale COVAX, për shpërndarjen e vaksinave COVID-19 në mënyrë të drejtë në të gjithë globin.
“Sot, unë jam në një pozitë të premtoj edhe 100 milionë euro të tjera, që ne i kemi caktuar si fonde speciale për GAVI-n”, tha ajo duke iu referuar një aleance vaksinash të përfshirë në nismën COVAX.
“Ky është kontributi i Gjermanisë për të siguruar që vendet në zhvillim të kenë akses në vaksinat COVID-19”, shtoi kancelarja gjermane.
Merkel theksoi se pandemia mund të trajtohet vetëm globalisht dhe u bëri thirrje vendeve që të përfshihen në program./ /ervo/
