TIRANË, 2 korrik /ATSH/ Inspektorati Shtetëror Shëndetësor realizoi 1714 inspektime për monitorimin e masave ndaj COVID-19 në 24 orët e fundit.
Ministria e Shëndetësisë dhe Mbrojtjes Sociale njoftoi se, “janë vendosur 2 masa me gjobë në pishina të cilat janë gjetur në shkelje; dhe 1 vendim për pezullim të aktivitetit”.
ISSH vijon çdo ditë kontrollet dhe monitorimin në terren për parandalimin e COVID-19 në të gjithë qarqet e vendit.
Ministria e Shëndetësisë dhe Mbrojtjes Sociale apelon qytetarët të ruajnë distancën nga njëri-tjetri, të mbajnë maska në ambientet publike ku nuk është e mundur të ruhet distanca dhe të ruajnë higjienën personale.
“Bizneset dhe institucionet të zbatojnë protokollet e sigurisë”, apeloi MSHMS.
/gj.mima/j.p/r.e/
