https://www.facebook.com/blend.gonxhja/videos/818154745353957/?t=68
TIRANË, 15 shkurt/ATSH/ Importi i mjeteve të vjetra ka vijuar trendin rënës edhe gjatë muajit janar të këtij vitit.
Sipas kreut të Drejtorisë së Përgjithshme të Shërbimit të Transportit Rrugor, Blendi Gonxhja, 1 528 mjete më shumë u regjistruan gjatë muajit janar me vit prodhimi mbi 2011, krahasuar me janarin e 2019-s .
Po ashtu, u regjistruan për here të parë 59 mjete elektrike . Nga zerimi i tarifave të regjistrimit për këtë kategori, sipas Gonxhes, u janë kursyer qytetarëve 432 mijë lekë.
Të ardhurat e realizuara, theksoi Gonxhja, u rritën me 22% gjatë muajit janar të këtij vitit krahasuar me të njëjtën periudhë të 2019.
Gjatë janarit 2020, të ardhurat llogariten 196 milionë lekë nga 160.5 milionë që ishin në 2019-n.
“DPSHTRR nis vitin 2020 me rezultate fantastike, duke rritur rendimentin e performancën, falë maksimalizimit përmes sistemeve të reja, investimeve, informatizimit e mirë administrimit logjistik e organizativ”, deklaroi Gonxhja.
Sipas tij, për çdo 1 lek të investuar në shërbime kthimi llogaritet 1.54 lekë.
Gonxhja bëri të ditur se të ardhurat e realizuara nga regjistrimi i mjeteve u rritën me 22%, nga dhënia e lejeve të drejtimit 9% dhe nga taksat dhe tarifat 2.9%.
Duke folur për dhënien e lejeve të drejtimit në vetëm 30 minuta, Gonxhja e konsideroi atë një transformim epokal.
“4200 qytetarë kanë marrë lejen e drejtimit në vetëm 30 minuta gjatë muajit janar 2020, se 191 qytetar në ditë.”, tha Gonxhja./a.gjonaj/
