TIRANË, 29 janar/ATSH-A. Fortuzi/- Valon Berisha largohet nga “Lazio” për tu transferuar në Bundesligë te “Fortuna e Duuseldorfit”.
Pas një sezoni jo të mirë në Seria A, ku ka luajtur vetëm 279 minuta në tetë ndeshje në të gjitha kompeticionet, Berisha do të vijoi karrierën në Gjermani.
Mediet italiane bëjnë me dije se dy klubet kanë arritur marrëveshjen për formulën e transferimit, huazim me të drejtë blerjeje në fund të sezonit dhe tashmë futbollisti i kombëtares së Kosovës do t’u nënshtrohet vizitave mjekësore te skuadra e re.
Vitin e shkuar “Lazio” shpenzoi 7.5 milionë euro për Berishën, për ta transferuar në Romë, nga “Salzburgu”. Por forma jo e mirë e futbollistit dhe dëmtimet kanë bërë që vlera e futbollistit në merkato të ulet.
