TIRANË, 19 korrik /ATSH/- Ministrja e Financave dhe Ekonomisë, Anila Denaj publikoi sot një tjetër rast biznesi që operon në shkelje të ligjit tatimor.
“5 kate hotel me 40 dhoma i regjistruar në “Booking.com” që rezulton i paregjistruar në organet tatimore. Punojnë në të zezë, ditën për diell”, citon Denaj.
Ndërkohë që, institucionet e linjës kanë nisur zbatimin e planit për luftën kundër informalitetit duke inspektuar në terren bizneset.
Pas deklaratës së kryeministrit Edi Rama për shtimin e rasteve të bizneseve që nuk lëshojnë kuponin tatimor, ministrja e Financave dhe Ekonomisë Anila Denaj bashkë me institucionet e linjës kanë intensifikuar inspektimet në terren, ndërsa i bën thirrje për formalizim të biznesit, në emër të konkurrencës së ndershme, mbrojtjes së konsumatorit dhe shtetit. /e.xh/
