BRUKSEL, 11 qershor /ATSH-DPA/ – Bashkimi Europian duhet ta mbajë derën hapur për anëtarët e rinj thuhet në draftin e unionit të axhendës strategjike deri në vitin 2024, i konsultuar nga agjencia gjermane e lajmeve, DPA.
“Bashkimi Europian duhet ta mbaja hapur derën për anëtarët e rinj”, shkruhet në të.
Mes pikave të tjera të kësaj axhende theksohen mbrojtja e qytetarëve, nxitja ekonomike, lufta kundër ndryshimeve klimatike si edhe rritje e rolit global të bllokut.
Ky dokument thekson përparësitë e Komisionit të ardhshëm Europian, që do të fillojë punën nëntorin e ardhshëm.
Një garë e fortë po zhvillohet aktualisht për caktimin e presidentit të ardhshëm të këtij komisioni.
Ky draft, që mund të ndryshojë gjatë javëve të ardhshme, përfshin premtimin për ruajtjen e parimeve të demokracisë, transparencës dhe sundimit të ligjit, ideale që i kanë vënë në pozicion të vështirë disa vende anëtare./ a.jor.
