TIRANË, 15 maj/ATSH/ – Gjatë katër muajve të parë të këtij viti tragetet e linjave Durrës – Bari dhe Durrës – Ankona e kthim janë shfrytëzuar nga 160 mijë udhëtarë vendas dhe të
huaj.
Shifra është 1.481 udhëtarë më e lartë se sa e njëjta periudhë e vitit të kaluar – mësohet nga të dhënat e sektorit të Statistikave në APD.
Gjatë së njëjtës periudhë, tragetet kanë transportuar edhe 28.944 autovetura, si dhe 24.946 kamionë dhe trajlerë gjithsej.
Numri i udhëtarëve shqiptarë që kanë preferuar tragetet arrin në afro 108 mijë, ndërsa ai i të huajve në 39.259 udhëtarë gjithsej.
Tragetet kanë kryer 308 lundrime vajtje-ardhje, duke transportuar njëkohësisht afro 296 mijë tonë mallra me kamionë dhe trajlera. Shifrat janë më të larta se sa ato të periudhës janar-prill 2018./k.s/
