PRISHTINË, 25 Maj/ATSH/.- Presidenti Hashim Thaçi dekoroi sot me Medaljen Presidenciale Jubilare të 10 vjetorit të Pavarësisë ish-rektorin Ejup Statovci (pas vdekjes).
“Për kontributin e jashtëzakonshëm në fushën akademike, si drejtues i Universitetit të Prishtinës në periudhën e viteve 90-të dekorova ish-rektorin Ejup Statovci (pas vdekjes) me Medaljen Presidenciale Jubilare të 10 vjetorit të Pavarësisë ). Profesori Statovci u vu në krye të protestave masive më 1 tetor 1997 dhe u bë shembull frymëzues për të gjithë studentët”, shprehet Thaçi.
Ejup Statovci ishte Profesor në Universitetin e Prishtinës, Fakultetin Juridik dhe Rektor i Universitetit të Prishtinës prej vitit 1991 e deri më 1997.Gjatë asaj kohe u angazhua me tërë qenien për shpëtimin e Universitetit të Prishtinës nga mbyllja e tij nga serbët.
Ai me punën e tij e transformoi atë në një universitet të kohës sipas përvojës europiane dhe botërore, duke e afirmuar dhe pranuar atë brenda dhe jashtë si institucion shtetëror.
/k.s/
