TIRANË, 13 prill /ATSH/- Bashkia e Durrësit po vijon punën intesivisht për pastrimin e vijës bregdetare, në pritje të hapjes së sezonit turistik veror.
Punonjësit e komunales së Bashkisë Durrës kanë përfunduar pastrimin nga fillimi i plazhit e deri tek Hotel “Adriatiku”, natën e kaluar.
Sakaq, prefekti i Durrësit, Roland Nasto tha për ATSH se puna do të vijojë nga Hotel “Adriatiku” deri tek sektori “Hekurudha” dhe “Iliria”, që janë edhe më të vështirë, pasi ndotja është më e madhe.
Nasto ka shpjeguar se puna do të vazhdojë me intensitet, deri në sigurimin e ambienteve sa më të pastra dhe dinjitoze për pushuesit. z.tosku/ /a.g/
