LOS ANXHELES, 9 janar /ATSH/ – Një zjarr i shpejtë shpërtheu në Hollywood Hills dje në mbrëmje duke kërcënuar një nga pikat më ikonike të Los Anxhelesit, ndërsa zjarrfikësit luftuan për të vënë nën kontroll tre zjarre të tjera të mëdha, që shkaktuan vdekjen e pesë personave dhe evakuan 130 000 të tjerë nga komunitetet e rrënuara nga Bregu i Paqësorit deri në Pasadenë.
Zjarret kanë shpërthyer në Hollywood Bowl dhe rreth 1,6 kilometra nga ”Walk of Fame” në Hollywood.
Rrugët rreth Teatrit Kinez të Grauman-it dhe Madame Tussauds ishin të mbushura me trafik pa ndalesë, ndërsa sirenat u ndezën dhe helikopterët me fluturime të ulëta u ngjitën lart për të hedhur ujë mbi flakët.
Njerëzit duke tërhequr valixhet u larguan nga hotelet më këmbë, ndërsa disa shikues ecën drejt flakëve, duke regjistruar zjarrin në telefonat e tyre.
Erërat u lehtësuan pak, një ditë pasi erërat e forta uragane shpërthyen duke ndezur bllok pas blloku dhe qindra zjarrfikës nga shtete të tjera kanë mbërritur për të ndihmuar, por katër zjarret që digjen jashtë kontrollit treguan se rreziku mbetet i lartë.
Më shumë se gjysmë duzinë shkollash në zonë u dëmtuan ose u shkatërruan, duke përfshirë shkollën e mesme ”Palisades Charter”, e cila është paraqitur në shumë prodhime të Hollivudit, duke përfshirë filmin horror të vitit 1976 “Carrie” dhe serialin televiziv “Teen Wolf”, thanë zyrtarët.
Kryebashkiakja e Los Anxhelesit Karen Bass tha se operacionet ajrore po shuanin flakët.
Ajo paralajmëroi se ata ende përballeshin me “erëra të çrregullta”, ndonëse jo si mbrëmjen e së martës.
Gati 1 900 struktura janë shkatërruar nga zjarret në Eaton dhe Palisades dhe numri pritet të rritet.
Flakët ”marshuan” drejt lagjeve shumë të populluara dhe të pasura, duke përfshirë Calabasas dhe Santa Monica, shtëpia e të pasurve dhe të famshmëve të Kalifornisë./ a.jor.
