TIRANË, 23 dhjetor /ATSH/ Ministria e Bujqësisë dhe Zhvillimit Rural po vijon matrikullimet falas në çdo fermë blegtorale.
Ministrja e Bujqësisë dhe Zhvillimit Rural, Anila Denaj bëri të ditur se kjo është një mbështetje direkte e qeverisë që ul kostot për çdo blegtor, garanton sigurinë ushqimore dhe forcon konkurrueshmërinë e sektorit.
“Vetëm gjatë periudhës janar-nëntor 2024 Autoriteti Kombëtar i Veterinarisë dhe Mbrojtjes së Bimëve ka kryer 573 751 matrikullime falas. Nga të cilët 105 933 janë gjedhë; 461 494 të imta dhe 6 324 janë derra”, tha Denaj.
/r.e/
