TIRANË, 22 dhjetor/ATSH/ Sektori i turizmit në Shqipëri po ofron paga gjithmonë e më të larta për punonjësit që përfshihen në shërbime.
I konsideruar si motor i zhvillimit ekonomik të vendit, sektori i turizmit po ofron paga konkurruese me synimin për të rritur cilësinë e shërbimeve dhe për t’ju përgjigjur konceptit të një turizmi gjithëvjetor.
Ministrja e Turizmit dhe Mjedisit, Mirela Kumbaro ndau sot shembullin e një studenteje të Mjekësisë nga Libohova, e cila ka zgjedhur që në kohën e lirë të punësohet pranë një strukture hoteliere në Gjirokastër.
“Nga një vatër mikpritje gjirokastrite si hotel ‘Bineri’, ku surpriza e bukur ishte takimi me Gelsën, libohoviten e bukur e të mençur, studenten e shkëlqyer të mjekësisë që gjatë kohës së lirë të pushimeve rikthehet për të punuar në sektorin e turizmit”, u shpreh Kumbaro.
Gelsa tregon se ndjek studimet për kardiokirurgji, ndërsa në kohën e pushimeve është punësuar pranë këtij hoteli për të siguruar më tepër të ardhura.
/m.m/a.f/
