TIRANË, 9 dhjetor /ATSH/ Gra rurale të Përmetit morën pjesë në trajnimin “Gra fermere të informuara dhe trajnuara nga Shërbimi Këshillimor Publik”, i cili synon t’i fuqizojë ato në prodhimin, ruajtjen dhe përpunimin e produkteve bujqësore të fermave të tyre.
Ministrja e Bujqësisë dhe Zhvillimit Rural, Anila Denaj, theksoi rëndësinë e këtij trajnimi.
“Ky trajnim ka një rëndësi të veçantë për gratë, të cilat përbëjnë shumicën e popullsisë që merret me bujqësi në zonat rurale, duke u mundësuar atyre të integrojnë produktet e tyre në agroturizëm, duke siguruar stimuj ekonomikë për familjet e tyre dhe të kontribuojnë në rigjallërimin e komuniteteve lokale përmes mbajtjes së tokës në prodhim”, shkruan Denaj.
/r.e/
