PRISHTINE, 4 nëntor/ATSH/ Shtetasit amerikanë që jetojnë në Kosovë presin një proces zgjedhor demokratik në Shtetet e Bashkuara. Atje nesër votohet për presidentin e ri ndërkaq sondazhet tregojnë për një garë të ngushtë.
Për zgjedhjet presidenciale, kandidatë janë Kamala Harris nga Partia Demokratike dhe Donald Trump nga Partia Republikane. Aaron Sybrant tash e 20 vjet jeton me familje në Krushë të Vogël të Prizrenit.
Megjithatë, ai tregon për KosovaPress se nuk kanë dashur të mungojnë në këtë proces zgjedhor të cilin amerikanët po e konsiderojnë historik.Ndërkaq, për Caleb Chesnut është hera e tretë që voton nga Kosova për zgjedhjet presidenciale në SHBA.
Amerikani i cili jeton në Orllan tash e dy dekada, tregon për KosovaPress kandidatin e tij të preferuar për president.
Kamala Harris është zëvendëspresidente e Shteteve të Bashkuara nën udhëheqjen e demokratit Joe Biden.Ndërkaq, Trump ishte president i SHBA-së në periudhën 2017-2021.
/Kosovapress/
