KAJRO, 3 mars /ATSH-ANSA/- Përfaqësuesit e Hamasit, Katarit dhe Shteteve të Bashkuara të Amerikës janë mbledhur në Kajro për të negociuar armëpushimin dhe lirimin e pengjeve në Gaza, sipas qeverisë egjiptiane.
Burime të ndryshme nga Egjipti, një vend që ka marrë rolin kryesor të ndërmjetësimit në konfliktin mes Izraelit dhe Hamasit, së bashku me Katarin dhe Shtetet e Bashkuara të Amerikës konfirmuan takimin e delegacioneve për bisedimet, në të cilat Hamasi normalisht nuk merr pjesë drejtpërdrejt.
Asnjë përfaqësues i Izraelit nuk u pa duke mbërritur sot në Kajro.
Delegacioni i parë që mbërriti mëngjesin e sotëm ishte ai amerikan, i ndjekur nga ai i Katarit. //a.i/
