TEL AVIV, 9 janar /ATSH-ANSA/ – Numri i civilëve, veçanërisht fëmijëve të luftës në Gaza, është “shumë i lartë”, deklaroi Sekretari Amerikan i Shtetit Antony Blinken gjatë vizitës së tij në Tel Aviv.
“Ne besojmë se paraqitja e një ankese kundër Izraelit në Tribunalin e Hagës e largon botën nga përpjekjet e rëndësishme. Për më tepër, akuza për gjenocid është e pabazë. Është veçanërisht irrituese duke pasur parasysh se ata që sulmojnë Izraelin, Hamasin, Hezbollahun, Huthi, si dhe mbështetësi i tyre, Irani, vazhdojnë të bëjnë thirrje hapur për asgjësimin e Izraelit dhe vrasjen masive të hebrenjve”, shtoi ai.
“Ndërsa fushata izraelite kalon në një fazë me intensitet më të ulët në pjesën jugore të Gazës dhe ndërsa IDF (ushtria izraelite) zvogëlon forcat e saj, ne kemi rënë dakord për një plan që OKB të kryejë një mision vlerësimi”, specifikoi Blinken.
“Kjo do të përcaktojë se çfarë duhet bërë për të lejuar palestinezët e zhvendosur të kthehen në shtëpi në veri. Kjo nuk do të ndodhë brenda natës, ka sfida serioze infrastrukturore dhe humanitare. Por misioni do të nisë një proces që do të vlerësojë këto pengesa dhe si mund të kapërcehen”, shtoi ai. /os/
