TIRANË, 16 nëntor/ATSH/ Policia e Shtetit njofton se në bashkëpunim me Policinë e Italisë janë ndaluar 3 shtetas shqiptarë të kërkuar ndërkombëtarisht.
Sipas njoftimit të Policisë, operacioni policor i koduar “Puzzle 2020”, u finalizua si rezultat i bashkëpunimit ndërmjet Policisë së Shtetit, Policisë italiane dhe Guardia Di Finanza. Të arrestuarit janë pjese e grupeve apo organizatave kriminale në fushën e narkotikëve, me veprimtari në të dy shtetet.
“Gjatë këtij operacioni u kapën në vendin tonë, shtetasit shqiptarë A. K., 54 vjeç, J. K., 27 vjeç dhe E. A., 46 vjeç. Për këta 3 shtetas është lëshuar urdhër arresti ndërkombëtar për veprën penale “Trafikimi i narkotikëve”, në kuadër të një procedimi penal të Drejtorisë së Antimafias të Distriktit të Venecias.
Vijojnë veprimet operacionale dhe procedurale në funksion të këtij operacioni”, përfundon njoftim i Policisë.
/r.e/
