BRATISLAVË, 20 tetor /ATSH/ – Në pamje të parë duket të jetë një mashtrim. Një fotomontazh si shumë të tjera. Veç se në imazhin e publikuar në Facebook të Republikës së Sllovakisë qëndron një qen në timon, ndërsa i zoti qëndronte pas tij, shkruan today.it.
Dhe është pikërisht Policia Slovenskej Republiky ajo që siguron se gjithçka është e vërtetë.
”Oficerët nuk po u besonin syve. Dhe në fakt ka disa arsye për t’u habitur”, thuhet në postim.
Fotoja e marrë nga një kamerë shpejtësie në fshatin e vogël Shterusy, në verilindje të Bratislavës, tregon një qen pas timonit të një makine.
”Imazhi nuk është i modifikuar dhe nuk është fals”, sqaron policia.
Sipas asaj që është rikonstruktuar, makina po kalonte shpejtësinë e lejuar kur kamera e shpejtësisë bëri foton duke përjetësuar kafshën e buzëqeshur në sediljen e shoferit.
Personi që qëndronte pas qenit u gjobit për “shkelje të kodit të autostradës”.
Ai u mbrojt duke pretenduar se ”shoku” i tij me katër këmbë u hodh papritur në vendin e tij.
Një surprizë e cila megjithatë sipas policisë nuk është regjistruar në sekuencën e pamjeve./ /os/
