TIRANË, 18 gusht/ATSH/ Ekipi i Qendrës Kombëtare të Urgjencës Mjekësore po i përgjigjet me sukses, në kohë reale, të gjitha thirrjeve për ndihmë të qytetarëve, pushuesve dhe turistëve në këtë periudhë me fluks të shtuar.
Ministrja e Shëndetësisë dhe Mbrojtjes Sociale, Ogerta Manastirliu tha se “mbi 1300 thirrje çdo ditë në numrin unik 127 janë koordinuar me sukses nga ekipi Urgjencës me autoambulanca për dhënien e ndihmës së parë mjekësore në qytete dhe zona turistike, nga veriu në jug”.
Manastirliu shprehu mirënjohjen për punën ekipeve të gatishmërisë të emergjencave mjekësore.
Ndërsa në të gjithë vendin janë hapur edhe 30 qendra shëndetësore verore ku ofrohen shërbime, vizita, konsulta, mjekime, me përforcim të personelit shëndetësor, me stafe të cilat trajnohen në vazhdimësi, për të menaxhuar rastet urgjente, e po ashtu përforcim me barna dhe materiale mjekësore.
/k.s/
