AMSTERDAM, 8 korrik /ATSH-DPA/ – Kryeministri holandez, Mark Rutte ka njoftuar dorëheqjen e tij, pas gati 13 vitesh në qeveri.
“Ekzistojnë mosmarrëveshje midis katër partive të koalicionit për politikën e migracionit”, tha Rutte dje në mbrëmje, në Hagë.
Ai shtoi se do t’i paraqiste dorëheqjen e tij me shkrim mbretit Willem-Alexander.
Rutte tha se i vinte keq që duhej të jepte dorëheqjen, por e përshkroi atë si “një realitet politik”.
Ai nuk dha informacion nëse do të kandidojë sërish në zgjedhje të reja.
Qeveria e katërt e liberalëve të krahut të djathtë ishte në detyrë që nga fillimi i vitit 2022.
Vëzhguesit thonë se zgjedhjet e reja nuk do të zhvillohen deri në nëntor. //a.i/
