MILANO, 29 maj /ATSH-DPA/ – Të paktën katër persona kanë vdekur në një aksident me varkë në Lago Maggiore, në veri të Italisë, deklaruan zjarrfikësit.
Zjarrfikësit fillimisht thanë se tre trupa u gjetën pasi një varkë u përmbys në skajin jugor të liqenit pranë qytetit të Lisanza, rreth 50 kilometra në veriperëndim të Milanos.
Më vonë u gjet një trup i katërt në një thellësi prej 16 metrash.
Anija turistike, e cila kishte rreth 24 persona në bord, u përmbys të dielën për shkak të një stuhie të papritur.
Njëzet persona u shpëtuan të padëmtuar.
Sipas presidentit të rajonit të Lombardisë, Attilio Fontana, varka me vela, me një gjatësi prej 16 metrash, ishte marrë me qira nga turistët./ /os/
