REJKJAVIK, 17 maj /ATSH-DPA/ – Presidentja e Komisionit Evropian, Ursula von der Leyen ka bërë thirrje për një bashkëpunim më të ngushtë në të ardhmen midis Bashkimit Evropian (BE), Këshillit të Evropës dhe vendeve që shpresojnë të bashkohen me bllokun.
Viti i kaluar, i përfshirë nga pushtimi i përgjakshëm rus i Ukrainës, shënoi një pikë kthese për shumë nga vendet që kërkojnë të anëtarësohen në BE, duke përfshirë Ukrainën, Moldavinë, Gjeorgjinë dhe vendet e Ballkanit Perëndimor”, tha Von der Leyen në Këshillin e Evropës në Rejkjavik.
“Unë shoh hapësirë për një bashkëpunim dhe partneritet edhe më të ngushtë midis Bashkimit Evropian, Këshillit të Evropës dhe çdo vendi kandidat, në mënyrë që historia e demokracisë evropiane të vazhdojë të shkruhet, në Ukrainë dhe kudo në kontinentin tonë”, tha Von der Leyen.
Ukraina ka qenë zyrtarisht një kandidate për anëtarësim në BE që nga vera e kaluar.//a.i/
