TIRANË, 19 prill /ATSH/ Shërbimet e Policisë Kufitare në Morinë kanë vijuar kontrollet të mbështetura në analizën e riskut, me qëllim parandalimin dhe goditjen e paligjshmërive kufitare, në hyrje të RSH-së.
Në kuadër të këtyre kontrolleve këto shërbime kanë sekuestruar në cilësinë e provës materiale 23 000 euro, të pa deklaruar në kufi sipas ligjeve në fuqi.
Gjithashtu Policia procedoi penalisht edhe 35-vjeçarin (shtetas kosovar) G. M. banues në Tiranë, për veprën penale “Mosdeklarimi në kufi i të hollave dhe i sendeve me vlerë”.
Shërbimet e Policisë kanë kaluar në vijën e dytë, për kontroll të imtësishëm, automjetin me drejtues shtetasin G. M, ku gjatë kontrollit në këtë automjet gjetën 23 000 euro.
Materialet procedurale i kaluan Prokurorisë pranë Gjykatës së Rrethit Gjyqësor Kukës, për veprime të mëtejshme.
