TIRANË, 22 dhjetor/ATSH/- Gjykata e Apelit Tiranë ka shtyrë sot vendimin për statusin e Partisë Demokratike, ankimim i bërë nga grupi i demokratëve të drejtuar nga Enkelejd Alibeaj.
Siç raportohet, Sekretari i Përgjithshëm i PD-së, Gazment Bardhi ka depozituar kërkesë për përjashtimin e gjyqtares Irida Kacerja, e cila shqyrton këtë çështje së bashku me gjyqtarët Genti Shala dhe Emona Muçi.
Gjykata vendosi që seanca e radhës të mbahet në 17 janar 2023, ora 09:00.
Në këtë shkallë ka edhe një vendim dhënë nga gjyqtari, Agron Zhukri që ka njohur vendimet e dala nga Kuvendi që thirri Sali Berisha më 11 dhjetor 2021.
