KALIFORNI, 27 shtator /ATSH-ANSA/ – Ceo i kompanisë Facebook, Mark Zuckerberg, njoftoi se WhatsApp po prezanton ‘Call Links’ që do ta bëjë më të lehtë për ju fillimin dhe bashkimin e një telefonate me vetëm një klik.
Njerëzit do të mund të zgjedhin opsionin “Lidhje për thirrje” në seksionin “Thirrjet”, të marrin lidhjen për një telefonatë audio ose video dhe ta ndajnë atë me familjen dhe miqtë.
Për të përdorur lidhjet e thirrjeve, përdoruesit do të kenë nevojë për versionin më të fundit të aplikacionit, ndërsa funksioni do të nisë këtë javë.
Zuckerberg theksoi gjithashtu se ‘’biseda ka filluar testimin e thirrjeve video në grup për deri në 32 persona në WhatsApp – duke kryer mbi 1000 teste në ditë për të siguruar cilësinë dhe performancën e thirrjeve”. /os/
