VARSHAVË, 27 shtator /ATSH-DPA/ – Rrjedhjet e gazit në tubacionet Nord Stream 1 dhe 2 janë për shkak të sabotimit, sipas kryeministrit polak Mateusz Morawiecki.
“Sot ne nuk dimë detajet e asaj që ndodhi, por ne shohim qartë se ka pasur një akt sabotimi,” tha Morawiecki në qytetin Goleniów pranë portit të Szczecin, ku ai ishte dëshmitar i hapjes së një tubacioni të ri në Detin Baltik.
‘’Ky akt sabotimi ishte ndoshta faza tjetër e përshkallëzimit me të cilin po merremi në Ukrainë”, theksoi ai. /os/
