MANHEIM, 15 gusht /ATSH-DPA/ – Niveli i ujit në lumin Rin u ul edhe më tej gjatë ditëve të fundit, për shkak të një periudhe të gjatë të motit të thatë pa reshje në Gjermani, që mund të ndikojë në sasinë e ngarkesave që mund të transportojnë anijet përgjatë lumit të lundrueshëm.
Në Kaub, mes qyteteve të Mainzit dhe Koblenzit në Gjermaninë Perëndimore, Adminstrata Federale e Ujërave dhe e Transportit Detar bëri të ditur se niveli i ujit ishte 32 centimetra më e ulët të hënën, ose pesë centimetër më i ulët se një ditë më parë.
Sipas parashikimit të autoriteteve, niveli i ujit mund të ulet me 31 ose 32 centimetra të tjera këtë javë.
Të dhënat e Administratës tregojnë që thellësia e kanalit në Kaub aktualisht është 1.43 metra.
Anijet e transportit dhe të pasagjerëve kanë hasur në vështirësi lundrimi për shkak të nivelit të ulët të ujit të lumit.
Kapitenëve u është dashur të marrin parasysh ngecjen e mundshme në cekëtinë, para se të ngarkojnë anijet e tyre.
Në kushtet kur niveli i ujit është i ulët, ata mund të transportojnë sasi më të vogla mallrash, por kjo mund ta bëjë transportin përmes lumit një aktivitet i paleverdisshëm ekonomik dhe për pasojë do të shfrytëzohet transporti rrugor dhe hekurudhor.
/u.sh/
