TIRANË, 2 shkurt /ATSH/ Hapet rruga për mjetet e tonazhit të rëndë në drejtim të Greqisë dhe Maqedonisë së Veriut.
Lajmin e ka bërë të ditur Drejtoria Vendore e Kufirit dhe Migracionit Korçë.
“Nga autoritetet e policive greke dhe maqedonase, jemi njoftuar se është lejuar lëvizja e mjeteve të tonazhit të rëndë (kamiona) në drejtim të Greqisë dhe Maqedonisë së Veriut”, thuhet në njoftimin e Drejtorisë Vendore të Kufirit dhe Migracionit Korçë.
Bllokimi i kalimit të mjeteve të tonazhit të rëndë u bë dje për shkak të reshjeve të dendura të borës në Maqedoninë e Veriut si edhe në Greqi.
