TIRANË, 7 janar/ATSH/ Pranë njësisë së epidemiologjisë në Portin e Durrësit është hapur një qendër e posaçme vaksinimi anti-COVID.
Autoriteti Portual i Durrësit bëri të ditur se qendra e posaçme e vaksinimit është në funksion të personelit të Autoritetit Portual Durrës apo agjencive detare, të cilët ende nuk e kanë kryer vaksinim.
“Pranë njësisë së epidemiologjisë në Portin e Durrësit në bashkëpunim me njësinë vendore të kujdesit shëndetësor në Durrës është hapur një qendër e posaçme vaksinimi në funksion të personelit të Autoritetit Portual Durrës apo agjencive detare, të cilët ende nuk e kanë kryer vaksinim”, deklaroi APD.
/j.p/r.e/
