MILANO, 8 shtator /ATSH-ANSA/ – Twitter ka filluar të testojë një nga risitë e para që është pjesë e një grupi të ri përditësimesh, që synojnë privatësinë.
Siç lexojmë nga cicërima që konfirmon funksionin, bëhet fjalë për mundësinë e kryerjes së një “bllokimi të lehtë” të ndjekësve, që mund të zbatohet nga kushdo.
Në praktikë, ju mund t’i heshtni përkohësisht përdoruesit, pa i hequr plotësisht ata nga lista juaj.
Karakteristika po testohet në versionin në internet të Twitter, por pritet të arrijë së shpejti në aplikacionin iOS dhe Android.
Sipas postimit të dërguar nga llogaria zyrtare e mikroblogut, ndjekësit mund të hiqen nga lista e faqes në profil: thjesht klikoni në menunë me tri pika pranë emrit të një ndjekësi, pastaj në “Hiq ndjekësin” dhe cicërimat reciproke nuk do të shfaqen më në tabelat e tyre përkatëse.
Ky është një operacion “i butë”, sepse është i ndryshëm nga bllokimi total i dikujt, që gjithashtu parandalon dërgimin e mesazheve të drejtpërdrejta.
Kjo është vetëm lëvizja e fundit për t’u dhënë abonentëve më shumë kontroll mbi aktivitetet e tyre në internet./ /ervo/
