SHKUP, 25 gusht /ATSH-AA/ – Maqedonia e Veriut ka regjistruar 1 166 raste të reja dhe 29 viktima nga COVID-19 në 24 orët e fundit.
Sipas të dhënave të Ministrisë së Shëndetësisë, numri i përgjithshëm i rasteve të konfirmuara me këtë virus në vend ka arritur në 171 576, ndërsa ai i viktimave në 5 755.
Institucionet shëndetësore regjistruan 232 pacientë të tjerë të shëruar, duke e çuar në 153 148 numrin e përgjithshëm të tyre.
Aktualisht, numri i rasteve aktive me COVID-19 në MV është 12 673./ /ervo/
