TOKIO, 29 korrik /ATSH-AA/ – Drejtori sportiv i Federatës Gjermane të Çiklizmit (BDR) Patrick Moster do të kthehet në shtëpi së shpejti nga Lojërat e Tokios pasi bëri një deklaratë raciste deklaroi Organi Olimpik Kombëtar (DOSB).
“Ne mbetemi të bindur se faljet e tij kërkuar opinionit publik për deklaratat raciste janë të sinqerta”, tha presidenti i DOSB Alfons Hoermann.
“Me këtë gabim, megjithatë, zoti Moster shkeli vlerat olimpike. Loja e drejtë, respekti dhe toleranca nuk janë të negociueshme për ekipin e Gjermanisë”, theksoi në një deklaratë DOSB.
Moster u dëgjua duke përdorur një frazë raciste ndaj disa sportistëve afrikanë në një transmetim televiziv nga rrjeti gjerman ARD.
Komiteti Olimpik Ndërkombëtar (IOC) mirëpriti vendimin e DOSB për të shkarkuar Moster./ /os/
