TIRANË, 11 maj /ATSH/ Strukturat e bashkisë Gjirokastër vazhdojnë pastrimin nga bimësia dhe mbetjet urbane, të mjediseve publike në qytet.
Në lagjet “Punëtori”, “11 Janari” dhe “Blloku i furrave”, është punuar për sistemimin dhe pastrimin nga bimësia të rrugëve të brendshme, shesheve dhe mjediseve të përbashkëta midis pallateve.
Ndërhyrje të tilla u kryen edhe për mirëmbajtjen e mjediseve të përbashkëta dhe sipërfaqeve të gjelbërta në lagjet “18 Shtatori”, “Granicë” dhe “Kodra e shtufit”.
Pastrimi nga mbetjet urbane dhe bimësia i rrugicave dhe shesheve midis pallateve, është pjesë e punës së bashkisë Gjirokastër.
Sipas bashkisë, për të evituar ndotjen e mjedisit i domosdoshëm është sensibilizimi dhe bashkëpunimi i komunitetit.
Në prag të hapjes së sezonit turistik qyteti i gurtë duhet të jetë gati për të pritur turistët.
/k.s//a.a/r.e/
