Pediatria e re e Tiranës/ Manastirliu: Investimi do t’i shërbejë gjithë vendit

TIRANË, 24 prill/ATSH/ Ministrja e Shëndetësisë dhe Mbrojtjes Sociale, Ogerta Manastirliu gjatë një interviste në medie tha se Pediatria e re e Tiranës është drejt përfundimit.

Ajo theksoi se është një investim që do t’i shërbejë jo vetëm Tiranës, por gjithë vendit.

“Pediatria e re e Tiranës, një ndërtim modern që ka përfunduar është gati që me mobilimin dhe pajisjen të vihet në funksion të fëmijëve. Shërbimet përfshijnë reanimacionin pediatrik, me katër salla operacioni të gjitha sipas standarteve sa i përket shërbimeve pediatrike”, u shpreh ministrja.

Sipas saj, kapaciteti është rritur në 500 shtretër.

“Ky investim i shërben jo vetëm Tiranës por gjithë Shqipërisë, pasi është një qendër reference që ofron shërbime të specializuara”, u shpreh Manastirliu. /j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.