PEKIN, 11 mars /ATSH-DPA/ – Parlamenti i Kinës miratoi planin e Partisë Komuniste për të forcuar kontrollin e Hong Kongut duke rregulluar sistemin e tij elektoral.
Kongresi Kombëtar i Popullit miratoi një plan për të përmirësuar sistemin zgjedhor të Hong Kongut duke i dhënë një komiteti pro Pekinit fuqinë për të emëruar më shumë ligjvënës të qytetit dhe duke zvogëluar rolin e publikut në qeveri.
Masa, e cila synon të sigurojë që ”vetëm patriotët qeverisin Hong Kongun”, vjen një vit pasi Pekini miratoi një ligj të sigurisë kombëtare që çoi në protesta qendrën e njohur financiare, ku u arrestuan dhjetëra persona.
Plani kaloi në unanimitet të plotë me 2 895 vota pro.
Parlamenti miratoi gjithashtu planin pesë-vjeçar të zhvillimit ekonomik të vendit, miratuar me 2 873 vota pro, 11 kundër dhe 12 abstenime.
Plani synon të drejtojë Kinën drejt arritjes së vetëmjaftueshmërisë teknologjike, duke rritur konsumin e brendshëm dhe duke u mbështetur më pak në eksportet e mallrave me cilësi më të ulët.
Drejtimi i ri vjen pas një lufte tregtare një vjeçare me SHBA./ /os/
