TEHERAN, 13 shkurt /ATSH-DPA/ – Sipas një njoftimi të medias lokale, një termocentral në Iranin jugor u përfshi sot nga një zjarr i madh, incident që u shkaktua nga një mace.
Sipas raportimeve, macja ka hyrë në termocentral gjatë natës dhe i është drejtuar zonës së kutisë së sigurisë.
“Me sa duket kjo ka shkaktuar një qark të shkurtër dhe një zjarr kabllor që, përfundimisht, është shndërruar në flakë të mëdha zjarri”, thanë burimet lokale.
Zjarrfikësit arritën ta shuanin zjarrin, por termocentrali u desh të mbyllej për disa orë, duke lënë 10 000 banorët pa energji elektrike./ /ervo/
