Zgjidhet kryesia e re e Aleancës së Grave Këshilltare në bashkinë e Tiranës

TIRANË, 2 dhjetor/ATSH/ Aleanca e Grave Këshilltare në bashkinë e Tiranës zgjodhi kryesinë e re, e cila do të ndihmojë për forcimin e politikave në dobi të grave në nevojë.

Në takimin e parë, me votë unanime, kryesia zgjodhi Maura Linadin si kryetaren e Aleancës së Grave Këshilltare Tiranë.

Teksa ka uruar kryesinë e re, kryetarja e këshillit bashkiak të Tiranës, Romina Kuko shpreh besimin se Aleanca do të arrijë që idetë t’i materializojë në nisma konkrete.

“Urimet më të mira për kryesinë e re të Aleancës së Grave Këshilltare të Tiranës”. Kryesia e re përbëhet nga Albina Nanaj, Bora Panajoti, Maura Linadi, Sara Shameti dhe Xheni Hatillari.

Në takimin e parë, me votë unanime, kryesia zgjodhi Maura Linadin si kryetaren e Aleancës së Grave Këshilltare Tiranë.

“Punë të mbarë dhe mezi pres të shoh idetë tuaja të mrekullueshme të materializuara në nisma konkrete”, thekson Romina Kuko. /a.a/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.