STAMBOLL, 14 tetor /ATSH-DPA/ – Turqia do të rifillojë kërkimet për rezerva energjie me një anije të tretë kërkimi në Mesdheun lindor, njoftoi sot presidenti Recep Tayyip Erdogan.
“Greqia nuk arriti t’i mbajë premtimet e saj në bisedimet e fundit, që synonin zbutjen e tensioneve”, akuzoi ai.
“Një anije e tretë, “Yavuz”, do të kthehet në zonë e shoqëruar nga marina, pas procesit të mirëmbajtjes”, shtoi Erdogan.
Anija turke e kërkimit të gazit “Oruc Reis” rinisi sot kërkimet në ujërat e diskutueshme të Mesdheut lindor, duke u bërë anija e dytë aktive turke në zonë, pas “Barbaros Hayreddin Pasa”, aktualisht e vendosur në jug të Qipros./ /ervo/
