RRIPI I GAZËS – Hamas njofton një armëpushim të ri me Izraelin

RRIPI I GAZËS, 31 gusht /ATSH-DPA/ – Grupi militant palestinez Hamas njoftoi një armëpushim të ri me Izraelin sot vonë, pas negociatave të ndërmjetësuara nga Katari.

“Të dy palët ranë dakord për një ulje të tensioneve dhe ndalimin e agresionit sionist kundër popullit tonë”, deklaroi zyra e Yehya al-Sinwar, kreut të Hamasit, në Rripin e Gazës.

Deklarata e al-Sinwar thekson se armëpushimi varet nga fillimi i projekteve të shumta në Rripin e Gazës, që do të përmirësojnë jetën e banorëve atje dhe do të ndihmojnë në minimizimin e disa prej problemeve të shkaktuara nga shpërthimi i COVID-19.

Nga pala izraelite nuk ka ende një konfirmim./ /ervo/

 

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.