TIRANË, 6 qershor/ATSH/ Inspektorati Shtetëror Shëndetësor, dega Gjirokastër, ka kryer dje 56 monitorime në subjekte të ndryshme dhe institucione arsimore.
“Në mënyrë më të detajuar në bashkitë e qarkut Gjirokastër janë kryer monitorime në 4 qendra shëndetësore, 8 ambulanca, 25 Bar-kafe/Restorant/Fast Food, 1 parukeri/berberana, 7 Tregtim produktesh ushqimore, 2 Furrë buke/Pastiçeri/Byrektore, 6 Tregtim produktesh jo ushqimore, 1 Punishte ëmbëlsirash, 1 Farmaci dhe 2 Gomisteri”, – tha ISHSH Gjirokastër.
Sipas ISHSH-së nga monitorimi në qendrat shëndetësore dhe ambulanca u konstatua se personeli ishte i pajisur me maska, doreza dhe dezinfektantë; ishin vendosur posterat e COVID-19 dhe shenjat e largësisë.
“Ndërsa nga monitorimi i 44 subjekteve u konstatua ishin të pajisura me lejen e ushtrimit të aktivitetit; kishin afishuar protokollet përkatëse dhe posterat; respektohej distancimi social; punonjësit kishin masa mbrojtëse etj. Gjithashtu gjatë ditës së sotme është kryer 1 riinspektim në kopshtin Memaliaj, i paraqitur dhe në platformën googleforms, ku u konstatua se ishte pajisur me termometër infrared”, – tha ISHSH.
/k.s/ /a.g/
