VARSHAVË, 20 mars /ATSH-AFP/ – Në Poloni, rreth një gjysmë-milioni litra vodka contrabandë dhe alkool i pastër, i prodhuar në mënyrë të paligjshme do të përdoren si dezinfektant në luftën kundër koronavirusit, njoftoi sot prokuroria kombëtare.
Shërbimet doganore dhe tatimore kanë të paktën 430 000 litra vodka dhe alkool të pastër, që janë sekuestruar për të shërbyer si prova në procedurat gjyqësore.
Në vend që të shkatërrohen, disa mijëra litra alkool do të vihen në dispozicion të shërbimeve të interesuara, për të shërbyer për dezinfektimin e ndërtesave, lokaleve dhe mjeteve të transportit.
Gjithashtu, zjarrfikësit e Olsztyn, në verilindje të Polonisë kanë marrë 1 000 litra alkool të pastër.
Edhe tre spitale, dy në Olsztyn dhe një në Elblag kanë marrë në total 2 500 litra”, deklaroi Marta Rosiak, zëdhënëse e administrates doganore të këtij rajoni./ /ec/
