BRUKSEL, 10 shkurt /ATSH-AFP/- Platformat e mëdha si “Expedia” dhe “Tripadvisor”, si edhe federatat e kompanive turistike, akuzuan sot në Bruksel grupin “Google” për konkurrencë të padrejtë.
Edhe një herë, kompania amerikane është akuzuar se ka abuzuar me pozitën e saj dominuese në kërkimet në internet, me qëllim promovimin e vetë shërbimit të saj, në lidhje me vendet e pushimeve, në dëm të rivalëve të saj.
Letra, e drejtuar eurokomisioneres për Konkurrencë, Margrethe Vestager, është nënshkruar nga 34 kompani dhe gjashtë federata, nga dhjetë vende të Europës.
Komisioni Europian e konfirmoi marrjen e kësaj letre, por nuk pranoi të komentojë.
Në lidhje me këtë letër, kompania “Google” u përgjigj nëpërmjet postës elektronike se po provon një format të ri të paraqitjes së hulumtimit në internet./ /ervo/
