TIRANË, 30 tetor/ATSH/ Kryetari i grupit parlamentar të Partisë Socialiste, Taulant Balla reagoi sot pas publikimit të lajmit se Presidenti i Parlamentit Europian, David Sassoli do të vizitojë Shqipërinë në fillim të muajit dhjetor.
Balla shprehu mirënjohjen për Presidentin e Parlamentit Europian, David Sassoli, i cili ka mbështetur fillimin e menjëhershëm të bisedimeve për anëtarësim në Bashkimin Europian të Shqipërisë dhe Maqedonisë së Veriut.
Sipas Ballës, Parlamenti Europian tregoi angazhim të plotë në vazhdimësinë e zgjerimit të BE-së me vendet e Ballkanit Perëndimor.
“Parlamenti Europian tregoi angazhim të plotë në vazhdimësinë e zgjerimit të BE në Ballkanin Perëndimor. Mirënjohës Presidentit të Parlamentit Europian për mbështetjen e tij në favor të fillimit të menjëhershëm të bisedimeve për anëtarësim të Shqipërisë dhe Maqedonisë së Veriut me Bashkimin Europian”, tha Balla./m.m/r.e/
