TIRANË, 22 shtator /ATSH – I. Vata/ “Do analizojmë edhe një herë nga pikëpamja inxhinierike 6 pallatet më të dëmtuara në Kombinat”, – ka deklaruar zëvendëskryeministri Erjon Brace, ndërsa ka vizituar banorët e dëmtuar nga tërmeti në lagjen e Kombinatit në kryeqytet.
“Të kthehesh në lagjen, shtëpinë ku u rrite, në Kombinat, gjithnjë siç sot, m’u desh jo vetëm të mbaja në grykë lot e fjalë që më erdhën njëherësh, duke parë njerëz me të cilët jam rritur e shtëpitë e tyre të copëtuara kështu!” – u shpreh ai.
Më tej Braçe shton se “të parë e kisha pamjen. Më erdhi në mend edhe nga 1979, edhe nga 1988, njësoj si dje e sot! Tre goditje të forta në pallate me tulla silikate janë shumë!”
“Ndaj me ministren Balluku, Blerinën doemos, sot e nesër do analizojmë edhe një herë nga pikëpamja inxhinierike 6 pallatet më të dëmtuara ku ishim sot! E gjitha, para se të vendosim përfundimisht për t’u dhënë sigurinë që meritojnë njerëzve!” – theksoi ai.
