UASHINGTON, 29 maj /ATSH-DPA/ – Departamenti amerikan i Shtetit deklaroi se armët e shkatërrimit në masë të Koresë së Veriut shkelën rezolutat e OKB-së duke iu shmangur kështu komenteve të bëra nga presidenti Donald Trump, i cili minimizoi dy testet e fundit të raketave nga ana e Phenianit.
“Unë mendoj se i gjithë programi raketor i Koresë së Veriut është në konflikt me rezolutat e sigurisë të OKB-së”, tha zëdhënësja e Departamentit të Shtetit, Morgan Ortagus në një konferencë shtypi.
‘’SHBA, megjithatë, mbetet e fokusuar në përpjekjen për të negociuar një fund paqësor për programin e armëve të Koresë së Veriut”, shtoi ajo.
Presidenti Trump, i cili ishte në Japoni për një vizitë katërditore, shkroi në Twittet se “Koreja e Veriut hoqi dorë nga disa armë të vogla, të cilat shqetësuan disa nga njerëzit e mi dhe të tjerët, por jo mua”.
Edhe këshilltari Kombëtar i Sigurisë, John Bolton tha se testet e armëve të Phenianit këtë muaj “pa dyshim” shkelin rezolutat e Këshillit të Sigurimit të Kombeve të Bashkuara./ /os/ a.jor.
