TIRANË, 26 dhjetor /ATSH/ – Fëmijët e Qendrës së Zhvillimit Rezidencial në Durrës morën sot dhurata me rastin e festave të fundvitit.
Këto u dhurata iu shpërndanë nga kryetari i bashkisë së Durrësit, Vangjush Dako dhe drejtori i përgjithshëm të OSHEE-së, Ardian Çela.
“Sot shpërndamë dhurata për 35 fëmijët e Qendrës së Zhvillimit Rezidencial në Durrës me rastin e festave të fundvitit, që edhe ata të festojnë si të gjithë fëmijët e tjerë”, u shpreh Dako.
Ai theksoi se bashkia e Durrësit e ka prioritet maksimal kategorinë e njerëzve me aftësi ndryshe dhe e njerëzve në nevojë dhe do të vazhdojë të mbështesë të gjithë qendrat që ofrojnë shërbim për këto kategori, duke garantuar jo vetëm mbështetje financiare, por edhe përmirësim të infrastrukturës së këtyre qendrave. /k.s/ /a.g/
