KARAKAS, 25 shtator /ATSH-AFP/ – Presidenti i Venezuelës, Nicolas Maduro u shpreh sot se zotëronte elementë bindës të mbështetjes së ofruar, sipas tij, nga ana e diplomatëve të Kilit, Kolumbisë dhe Meksikës krerëve të atentatit, shënjestër e së cilit ishte presidenti më 4 gusht.
”Sot kemi elementë të provës të pjesëmarrjes së diplomatëve të Kilit, Kolumbisë dhe Meksikës për mbrojtjen e këtyre organizatave që kryen aktin terrorist”, tha kreu i shtetit gjatë një deklarate transmetuar në radio dhe në televizion.
”Jam i gatshëm të emëroj një komision të pavarur dhe të sjellë të gjitha provat që kemi dhe dëshminë e pjesëmarrjes dhe bashkëpunimit të elementëve diplomatikë të qeverive të djathta të Kilit, Kolumbisë dhe Meksikës”, theksoi ai.
Nisur nga kjo, Maduro theksoi se do të bëjë kërkesë para sistemit të Kombeve të Bashkuara.
Kancelaritë e vendeve të akuzuara hodhën poshtë çdo lidhje me atë që ndodhi në fillim të gushtit./ v.b/ a.jor.
